المسار الصحي في جامعة القصيم

بسم الله الرحمن الرحيم .

أولًا الحمدالله الذي بنعمته تتم الصالحات , أتمنى لـ طلاب وطالبات السنة التحضيرية يكون قبولهم بداية تحقيق الحلم وبداية لجعل أحلامهم واقع , وأنا هنا عشان أقول لهم انتم فعلا أقوياء لأنكم وصلتم .. راح تكونون أنتم المسؤولين عن تحقيق حلمكم , هالسنة لازم تعطونها نفسكم ووقتكم عشان بالنهاية تعطيكم حلمكم ومستقبلكم اللي 12 سنه وأنتم تبنونه, والشخص الذكي فعلا اللي يوصل لحلمه من أول فرصه تقابله ويتفوق فيها.

**راح تكون تجربتي وكلامي على شكل اسئلة , من أكثر الأسئلة اللي توصلني عن السنة التحضيرية “مسار صحي”

1/ مامعدل القبول لـ المسار الصحي بعد ما أنهي الترم الأول ؟

-كنصيحة مني لاتخلون النسب والقبول هي شغلكم الشاغل أثناء الدراسة لأنها راح تتغير كل ترم على حسب مستوى الدفعة , لكن غالبا راح يتم قبولك من 87 وهذا أبدا مو معيار ثابت طبعا .

2/ماهي مواد المسار الصحي وعدد ساعات كل مادة وطريقة المذاكرة ؟

-بأذن الله راح تدرسون 6 مواد

•مادة الأنقلش 5 ساعات : مايحتاج أتكلم عنها كثير لأن راح تكملون مثل المستوى الأول على سلسلة انلوك 3 .

•البايولوجي أو علم الأحياء البشري 4 ساعات : بيكون  محاضرتين ونصف بالأسبوع , راح يتكلم لكم عن الخلية مكوناتها وأنواع الخلايا وأجهزة الجسم (التنفسي – الهضمي-البولي-العضلي) والدم والجهاز الليمفاوي والقلب وهكذا . هي ماده مش صعبه لكن تعتبر دسمة شوي وتحتاج ترجمة أول بأول ومراجعة بعد كل محاضره عشان تثبت المعلومات , تحتاج الفهم+الحفظ والمراجعة أول بأول مثل ماقلت عشان ماتتشابك عليكم المعلومات . تقسيم الدرجات : الميد ترم : 40 سؤال  = 37 درجة . الفاينل : 40 سؤال= 60 درجة. مشاركة 3 درجات بيد الدكتور .

طريقة المذاكرة: من الكتاب. 

•البايوكيمستري أو الكيمياء الحيوية: 3 ساعات , محاضرتين بالأسبوع .. المنهج يعتبر دسم الى حد ما لازم لازم لازم يدرس ويراجع بعد كل محاضره, ويكون قبل الاختبار فاهمه بشكل تمام . المنهج يتكلم عن الماء وخصائص الماء والامينو أسد والبروتين وDNAوهكذا. أستخدمت معاه ملخصات ابو باسل و ابو معالي وبكل أمانه أشوفها كويسة جدا , بس الأفضل لما الشخص يشوف نفسه مو فاهم الكتاب يستعين فيهم بالبداية وبعدين يشد حيله بالترجمة بالكتاب لان الكتاب شامل كل شي , مو مثل الملخص ممكن يكون ناقص . تقسيم الدرجات : الميد ترم : 40 سؤال  = 37 درجة . الفاينل : 40 سؤال= 60 درجة. مشاركة 3 درجات بيد الدكتور .

•مهارات أتصال او المديو : ساعتين, بتكون محاضرة كل اسبوع , ماده سهله وخفيفه كل المطلوب منك! تمسكون السلايدات+ترجمة+حفظ وفهم , وتضمن الفل مارك بأذن الله وكمان اسئلة السنوات السابقة تساعدكم .

•أخلاقيات المهن الطبية : ساعتين, محاضره وحده بالأسبوع , طبعا المادة عربيه وماراح اقولكم أخو المهارات! لأنها تعتبر أسهل وماده حلوه تدخل المخ أكثر وسهل تستوعبونها , مابي عشان قلت ماده سهله يجي أحد يستهين فيها وتضيع درجاته! لا ابدا مو عشانها مادة عربيه ينسحب عليها عطوها حقها كامل وبتحصلون الفل مارك بأذن الله + ركزوا على اسئلة السنوات السابقة.

•مصطلحات طبية ESP : ساعتين , بمعدل  محاضرتين بالأسبوع , مادة تعتمد بشكل كبير على المفردات ومهارة الريدينق فقط! كل تمارين القواعد وغيره اللي بالكتاب ماتجي بالامتحان! الأختبار بيكون عباره عن أسئلة فوكاب+فوكاب متشابه ومتضاد + قطعتين ريدينق عليهم أسئلة , وتكون القطع خارجية بس مشابهه لمواضيع الكتاب.

•تقسيم الدرجات :

•الميد : 50 سؤال=50 درجة الفاينل : 50 سؤال=50 درجة . 

وبكذا يكون مجموع عدد الساعات للمسار الصحي 18 ساعة.

3/ هل يعتبر أصعب من الترم الأول؟

نصيحتي الأولى اللي كانت بخصوص لا تنشغلون بالنسب أضيفو لها نصيحة ثانية اللي يحدد صعوبة وسهولة أي شي تدرسونه أنتم! بس أنتم! مافيه اي شخص من حقه يقولكم هاذي سهله او صعبه لأنه بالنهاية يشوفها من منظوره الشخصي فقط. لما تختار طريقة المذاكرة اللي تناسبك وتقسم  وقتك وجهدك على كل مادة بالشكل المطلوب مافيه شي صعب. ولو بتكلم عن رأيي الشخصي هنا أنا اشوف المسار الصحي كان أفضل لي لأنه يكفي وصلت لجملة “طالب مسار صحي” حسيت اني قريب أكثر من حلمي , ومابقا الا القليل ويكون واقع, فكان دافع جدا كبير لي .

اي استفسار :
حميد العنزي 
Twitter : @hameeed_alanazi

https://twitter.com/Hameeed_Alanazi?s=09